Chhui-kó

Tiah-iàu cha̍h-chí ji̍t-kî: Kong-gôan 2013 nî 2 goe̍h 28
Lo̍k-chhú thong-ti ji̍t-kî: Kong-gôan 2013 nî 3 goe̍h 15
Chôan-bûn chia̍t-kó ji̍t-kî: Kong-gôan 2013 nî 4 goe̍h 15

Teng-kó hoān-ûi:

1. Oa̍t-lâm sè-kài bûn-hoà î-sán ê sin-chhéng koè-thêng kap keng-êng hiān-hóng
2. Pe̍h-ōe-jī chiâⁿ chò sè-kài bûn-hoà î-sán
3. Kam-ûi-lîm bo̍k-su kap Barclay bo̍k-su tùi chhui-sak Pe̍h-oē-jī ê kòng-hiàn
4. Tâi-oân kap Oa̍t-lâm ê Lô-má-jī ūn-tōng pí-kàu
5. Tâi-oân kap Oa̍t-lâm ê hoán si̍t-bîn thong-tī le̍k-sú
6. Tâi-oân kap Oa̍t-lâm ê gí-giân bûn-ha̍k pí-kàu
7. Tâi-oân kap Oa̍t-lâm ê hong-sio̍k, siā-hoē, kap bûn-hoà pí-kàu
8. Tâi-oân kap Oa̍t-lâm ê kàu-io̍k chè-tō͘ pí-kàu
9. Tâi-oân kap Oa̍t-lâm ê chió-sò͘ bîn-cho̍k kap sin î-bîn gī-tê gián-kiù
10. Kî-thaⁿ siong-koan ê jîn-bûn gī-tê

Tâu-kó ài chai-iáⁿ ê tāi-chì:

1. Chit-ê gián-thó-hoē hoat-piáu hêng-sek hun chò kháu-thâu hoat-piáu kap hái-pò hoat-piáu 2 chióng. Kháu-thâu hoat-piáu ê sî-kan chiām-tēng (àn chham-ka jîn-sò͘ chò tiâu-chéng) 20 hun-cheng, thó-lūn 10 hun-cheng. Hái-pò hoat-piáu ê khong-kan sī choân khai toā-sè (80cm x 120cm). 2 chióng long sī chèng-sek hoat-piáu, chhiáⁿ tâu-kó-chiá kun-kù lūn-bûn sèng-chit soán-te̍k hêng-sek.
2. Tiah-iàu chhiáⁿ iōng A4 ê chóa phah-jī, lōe-iông í 1 ia̍h ūi-hān. Lōe-iông ê jī-thé iōng 12p, ia̍h-piⁿ ê téng hām ē lâu 2.54 cm, siang-pêng lâu 3.17 cm, chi̍t-chōa chi̍t-chōa tiong-kan ê kū-lī sī 1.5.
3. Tiah-iàu ê thâu-chêng ia̍h chhiáⁿ chù-bêng a) Lūn-bûn tê-ba̍k, b) chok-chiá ê miâ-sèⁿ, c) thâu-lō͘ ê tan-ūi, d) chit-ūi ê chheng-ho͘, e) liân-lo̍k tē-chí, f) liân-lo̍k tiān-ōe, g) e-mail, kap h) hoat-piáu hêng-sek
4. Tiah-iàu chhiáⁿ iōng Word kap PDF 2 chióng hêng-sek, iōng e-mail hù-kiāⁿ kià kòe-lâi tāi-hoē email. Email phiau-tê chhiáⁿ chù-bêng tâu-kó-chiá kap “tâu-kó 2013 Tâi-Oa̍t kap Lô-má-jī gián-thó-hoē” jī-kù.
5. Chit ê gián-thó-hoē ū sím-cha-chè. Tāi-hōe ē tī thong-ti cha̍h-chí chìn-chêng thong-ti tâu-kó-chiá kám ū lio̍k-chhú--bô. Lūn-bûn hông lo̍k-chhú--ê, chhiáⁿ í tāi-hōe kui-tēng ê lūn-bûn keh-sek lâi siá lūn-bûn, koh tī chôan-bûn chia̍t-kó ji̍t-kî chìn-chêng, chiōng lūn-bûn chôan-bûn (Word kap PDF 2 chióng keh-sek; nā ū te̍k-sû jī-hêng, chhiáⁿ hù su-bīn choá-pún) kià tńg-lâi tāi-hōe.
6. Tāi-hōe ê chèng-sek gí-giân sī Tâi-gí, Tiong-kok-gí, Oa̍t-gí kap Eng-gí. Kî-thaⁿ ê gí-giân tī hoē-tiûⁿ chí-iàu bô lâng hoán-tùi, mā thèng-hó sú-iōng (kiàn-gī chok-chiá ka-tī chún-pī kháu-e̍k ia̍h su-bīn-kó hoan-e̍k kàuchèng-sek gí-giân ê kî-tiong 1 chióng). Tâi-gí Lô-má-jī chhiáⁿ iōng Pe̍h-oē-jī, IPA chhiáⁿ iōng DoulosSIL Unicode jī-hêng.
7. Tāi-hōe ē tī keng-hùi ū kàu ê chêng-hêng hā thê-kiong hoat-piáu-chiá kó-hùi kap kau-thong-hùi ê pō͘-hūn pó͘-chō͘. Hoat-piáu-chiá nā bô chiàu téng-bīn tāi-hoē ê kui-tēng lâi su-siá kap hoat-piáu lūn-bûn chiá, tāi-hoē ū koân-lī bô thê-kiong hoat-piáu-hùi kap kó-hùi.
8. Iú-koan hōe-gī ê sin-siau-sit, chhiáⁿ sûi-sî chiūⁿ hōe-gī bāng-chām lia̍h. Nā-ū jīm-hô kî-thaⁿ būn-tê, chhiáⁿ liân-lo̍k:

Gián-thó-hōe tiàu-chi̍p-jîn:
Chiúⁿ Ūi-bûn (Sêng-kong tāi-ha̍k Tâi-ôan Gí-bûn Chhek-giām Tiong-sim/Oa̍t-lâm Gián-kiù Tiong-sim chú-jīm)
Gián-thó-hōe hêng-chèng pì-su:
E-mail: cvsncku@gmail.com
Tel: 06-2757575 ext 52627
Fax: 06-2755190
download：